ჩემპიონთა ლიგაზე მერვედფინალური წყვილები დაკომპლექტდა

17:49, 17.12.2018 ახალი ამბები 1638
ჩემპიონთა ლიგის ყველა მერვედფინალური წყვილის ვინაობა ცნობილია. შვეიცარიის ქალაქ ნიონში ჩატარებული კენჭისყრის შედეგად, რვა საინტერესო ორმატჩიანი დუელი დაიგეგმა. ყველაზე დიდ ინტერესს "ლივერპული" - "ბაიერნის", "ატლეტიკო" - "იუვენტუსისა" და "მანჩესტერი" - "პსჟ"-ს თამაშები იწვევს.
ტურნირის ბოლო სამი სეზონის გამარჯვებული მადრიდის "რეალი" ამსტერდამის "აიაქსს" შეხვდება. "ბარსელონას" მეტოქე კი "ლიონი" იქნება. ყველა მერვედფინალური წყვილი ასე გამოიყურება:
შალკე - მანჩესტერ სიტი;
 ატლეტიკო - იუვენტუსი;
 მანჩესტერი-პსჟ; 
 ტოტენჰემი - დორტმუნდი;
 ლიონი - ბარსელონა;
 რომა - პორტუ;
 აიაქსი - რეალი; 
 ლივერპული - ბაიერნი; 
მერვედფინალის პირველი მატჩები 12-13 და 19-20 თებერვალს გაიმართება, განმეორებითი  კი – 5-6 და 12-13 მარტს.