ნიკოლოზ ბასილაშვილმა ATP-ს ტურნირი მოიგო
ქართველმა ჩოგბურთელმა, ნიკოლოზ ბასილაშვილმა კარიერაში პირველად მოიგო პროფესიული ტურის (ATP) ტურნირი. მან გერმანიის ქალაქ ჰამბურგში ორ საათსა და 13 წუთში დაამარცხა არგენტინელი ლეონარდო მაიერი – 6:4, 0:6, 7:5.ჰამბურგის ტურნირი განსაკუთრებულია ლეონარდო მაიერის კარიერაში – მას პროფესიულ ტურში ორი ტურნირი აქვს მოგებული და ორივე გერმანიის ამ ქალაქში: 2014 წელს ფინალში დავიდ ფერერს მოუგო, შარშან კი გერმანელ მოგვარეს ფლორიან მაიერს.
ბასილაშვილისთვის ეს მესამე ფინალი იყო კარიერაში. 2016 წელს ქართველმა კიტცბუელში წააგო იტალიელ პაოლო ლორენცისთან, 2017 წელს კი მემფისში დამარცხდა ამერიკელ რაიან ჰარისონთან. შესაბამისად, ეს იყო ATP-ს ტურნირის მოგების მესამე ცდა.
ამ გამარჯვებით ბასილაშვილი ორშაბათიდან ATP-ს რეიტინგის TOP50-ში შევა, რაც მის კარიერაში საუკეთესო შედეგია.
სხვა ახალი ამბები
14 ივნისი საქართველოში შეზღუდული შესაძლებლობების მქონე პირთა უფლებების დაცვის დღეა
20:32, 14.06.2021
1444
აჭარაბეთ არენაზე საქართველოს საფეხბურთო ნაკრები შვედეთის ნაკრებს დაუპირისპირდება
18:25, 11.11.2021
1796
